Fritz Valesco (Pitit Fèy) pami premye moun ki fè emisyon an kreyòl sou istwa peyi d Ayiti. Koulye a emisyon sa a rele Fèy papye listwa. Li fè li nan Radio Kiskeya. Men se nan Radio Port au Prince Fritz Valesco te premye fè emisyon sa a. Lè sa a li te rele pwogram lan Ayiti Toma.  Depi plis pase 40 lane, nan lè emisyon an, anpil moun rale ti chèz ba yo pou yo tande msye sa a k ap rakonte istwa Ayiti, nan fason pa l.

Espas Kreyòl louvri yon fenèt sou listwa peyi nou pou ede n konprann pi byen moun ak evénman tan lontan. Nan espas sa a, nou envite w vin koute youn nan maton nan kesyon rapòte: Fritz Valesco, PititFèy.

Li tire pòtre tou sa l jwenn nan listwa, epi li lage yo ban nou nan “Fèy papye listwa”.  Se vre tan ayè pa tan jodi, men tan ayè ak tan jodi sanble tankou de marasa.

Jan Ti Tonton abitye di:

“Pou san konprann

Ka vin konprann

Koute pou n ka aprann!”

Espas Kreyòl envite w vin koute Pitit Fèy, nan “Fèy papye listwa”!